Hendri Spescha (1928 - 1982)

OVRA

Duront ils trent'onns da sia veta da carschiu ha Hendri Spescha impundiu siu temps senza retenientscha, per sia famiglia, sia lavur professiunala, sil camp da vitg e vischnaunca e dil cantun grischun, en differentas associaziuns ed instituziuns culturalas. Quels engaschaments han dumandau dad el in diever precis e precaut dil plaid plidau e scret. Aschia ei in'ovra scretta naschida e s'emplunada empau alla ga.

Malgrad quell'activitad intensiva ha Hendri Spescha era giu il gust, la pazienzia e la forza da crear in'ovra litterara, surtut poetica, ordeifer il schischuri dil mintgadi e cun il desideri da dar fuorma a quei ch'el purtava il pli giufuns en sia veta ed en sia persuna.

Da quellas duas varts da si'ovra dein nus sin nossa pagina la prioritad a l'Ovra litterara, cun pliras partiziuns principalas: Poesias, Prosa litterara, Giug auditiv e Teater.

L'autra, sil secund plaz, vein nus tschentau sut il tetel Pareris, che cumporta plirs caums: lungatg, litteratura, art ed artists, psicologia ed educaziun, persunalitads da siu temps, fatgs publics.

Las duas varts dall'ovra han era anflau lur realisaziun en ina gronda retscha d'emissiuns el radio ed alla televisiun.

Sut il cavazzin Dossiers aschuntein nus elements ed informaziuns che cumpleteschan sia producziun.