Hendri Spescha (1928 - 1982)

SUR L'OVRA

Tgi ch'enconuscha gl'ambient litterar romontsch sa che tut quei che compara, romans, raquents, poesias etc. vegn adina presentau, commentau ed enqualga criticau ellas gasettas e revistas grischunas. Quei ei era stau il cass per las publicaziuns da Hendri Spescha.

Pliras parts da si'ovra han denton provocau aunc dapli che quellas undrientschas tradiziunalas. Zaconts auturs che han persequitau cun egliada ferma il svilup litterar da Hendri Spescha ein i pli lunsch ed han entschiet a perscrutar si'ovra, per part gia duront sia veta, per part suenter sia mort, cu ei veva num far emprovas da sintesa. Lecturs e lecturas anflan cheu ina raccolta digl essenzial ch'ei vegniu scret en quei senn tochen oz, e quei va tochen tier ina gronda lavur da licenziat pertuccont la tecnica da raquintar en quater raquents da ses davos onns.

Mo Hendri Spescha ha era sez priu a cor da render quen - a sesez ed a ses lecturs - da sia lavur litterara, muentaus leutier oravontut da Felix Giger, Iso Camartin ed Angel Crespo. La pagina entscheiva cun ils texts da si'atgna plema.