Poesias
AUTRAS POESIAS I
Sper las poesias che appartegnan a l'in ni l'auter ciclus dat ei aunc in tschuppel autras poesias da Hendri Spescha. Certinas ein vegnidas publicadas tscheu e leu, da maniera diversa, per exempel sco text da canzuns, seigi per chors ni per cantadurs individuals, ni lu en gasettas u en documents meins publics. Ei dat era el Relasch, ch'ei rimnaus egl Archiv litterar svizzer, poesias ch'ein mai vegnidas publicadas, per part en fuorma fragmentara. Nus presentein cheu ina rimnada, senza pretender ch'ella seigi exhaustiva, e dein las informaziuns che nus possedin pil mument.