Prosa litterara

EMPROVAS E NOVELLAS

Quei tetel mo empau precis dein nus ad ina retscha da nov texts en prosa ch'ein da fuorma u structura diversa. Ils biars da quels texts ein vegni screts all'entschatta dils onns 50. Nus savein che Hendri Spescha ha lu oravontut priu la via dalla poesia, mo quels texts muossan che cun dapli temps vess el scadin cass era saviu crear in'ovra impurtonta en prosa. Ils quater emprems vegnan publicai cheu per l'emprema ga.

Quels texts presentan tuts ina suletta persuna, in carstgaun en ina situaziun critica, dramatica, enteifer in ambient variont. Notg alva s'auda tier ils emprems texts ella litteratura sursilvana che presentan in carstgaun en in context industrial, tecnic.

Dus texts ein da metter dapersei. Nin ei vegnius publicaus el context d'in'anthologia pertuccond affons mendus. La vernissascha ei vegnida publicada cun in pseudonym, Curdin Cudriel, en in temps nua che Hendri Spescha era gia in autur enconuschent. Forsa ch'el vess vuliu continuar quella skizza e far ordlunder in portret pli lartg.