Auturs plaidan da si'ovra

GION DEPLAZES: ZUM HöRSPIEL UND «NOTG ALVA»

En siu grond cudisch "Die Rätoromanen. Ihre Identität in der Literatur" (Mustér 1991) ha Gion Deplazes dau in spazi considerabel a duas ovras da Hendri Spescha, al giug auditiv E tut quei che nus vein de retscheiver ed al raquent Notg alva. Tenor siu principi che consista da metter las ovras litteraras en relaziun cun differentas spartas dalla veta da mintgadi, ha el tschentau quellas duas ovras en relaziun cun la problematica dil "luvrer e la questiun sociala". Mo el ha era vuliu dar gl'emprem ina survesta sur la lavur litterara insumma da Hendri Spescha.
Igl ei aunc da menziunar che Gion Deplazes ha participau alla registraziun dil giug auditiv e ch'el ha surpriu leu la rolla dil bab da famiglia, Giusep Camiu.