Auturs plaidan da si'ovra

CLAUDIO SPESCHA: STIL NARRATIV
(LAVUR DA LICENZIAT 2003)

Gl'emprem che ha redigiu ina lavur scientifica da pli gronda dimensiun davart in aspect dall'ovra litterara da Hendri Spescha ei Claudio Spescha (naschius anno 1971). Igl onn 2003 ha el presentau sia lavur da licenziat all'universitad da Turitg. Il tetel da quella lavur secloma: In pateticher er'jeu gia lu - Vuschs e perspectivas en quater raquens da Hendri Spescha. Il referent ei staus prof. Clà Riatsch, che veva tractau en in seminari il tema dalla perspectiva restrenschida: la figura digl affon en texts narrativs.

Da quei pugn da vesta analisescha igl autur ils quater raquens suandonts: - Quei di ei miu bab daventaus sogns ni la destrucziun d'in prisol, - Cu jeu hai piars la cardientscha, - Mo ina tschugalata? e - Sut quater egls.

Per quella lavur ha Claudio Spescha survegniu il "Prix Rousseau" dil Seminari romanistic dall'universitad da Turitg, in premi che honorescha la megliera lavur da licenziat dil semester.

Oz (2009) ei Claudio Spescha redactur tier "Radio e Televisiun Romontscha".

Quella lavur da licenziat san nos lecturs leger sin nossa pagina internet sco document PDF.