Ovra litterara

PROSA LITTERARA

Per biars lecturs ei Hendri Spescha staus quel che ha publicau egl Ischi ina roscha Raquents nua ch'el evochescha muments da si'affonza. Quei ei buca falliu, mo tonscha buc e mereta ch'ins fetschi aunc attents sin autras caussas ch'el ha scret, en emprema lingia secapescha sias poesias. Mo era en prosa dat ei dad el aunc autras ovras. All'entschatta dils onns 50 ha el scret plirs texts, ch'ein per part vegni publicai. Auters ein presentai cheu per l'emprema gada.

Quels texts, ed era zaconts da pli tard, vein nus tschentau sut il tetel Emprovas e novellas. Els ein perdetgas d'ina reflexiun persunala sur dalla veta, da problematicas psicologicas e socialas.

La secunda gruppa ei quella dils Raquents. Davart da quels menziunein nus il studi da Claudio Spescha che ha perscrutau il stil narrativ da Hendri Spescha.