Ovra litterara

GIUG AUDITIV

La stad digl onn 1955 ha Hendri Spescha passentau a Paris, ensemen cun siu frar Matias. Lez veva priu la decisiun da schar d'ina vart siu mistregn da cusunz e da sebetter viaden ell'aventura d'ina veta d'artist. Hendri Spescha ei pia staus perdetga dils emprems pass da siu frar sco artist liber. Mo avon er'el staus perdetga dallas discussiuns en famiglia e dil process intern da siu frar. Tut quei ha dau gl'impuls per scriver zatgei sur da quellas experientschas. Per far quei ha Hendri Spescha eligiu la fuorma dil giug auditiv, e quei ei daventau E tut quei che nus vein de retscheiver, il giug che evochescha la veta d'ina famiglia che viva dalla lavur d'in bab ch'ei luvrer da fabrica. Pia in ambient ch'era tochen lu vegnius mo pauc tractaus en lungatg romontsch.

Nus dein sin nossa pagina il text da quei giug, accumpignaus d'in dossier che muossa tgei consequenzas che l'emissiun ha giu, fatga dal radio Turitg il schaner 1960.

Quater onns pli tard ha Hendri Spescha era transformau en giug auditiv siu toc teater Il clom, ch'ei vegnius daus all'Expo 1964 .